Форум @ BelAstro.Net

[Лявон]

Скотчам прымацаваць не дадумаўся... Трэба ўзяць ідэю на ўзбраенне.

Сёння падабраў гайку з вушкамі з набору ад нейкае кампаніі "Кінг компані"... Маркіроўка нейкая дзіўная -- "рс", -- але падыходзіць як мае быць. Зрэшты, у гэтай справе я арэентуюся дрэнна: помніцца, сутыкаўся з рэззю М (мабыць, найбольш распаўсюджаная) і S... Цяпер засталося шруб знайсці.

[Лявон]

Цяпер падумаў, што "рс" -- гэта, відаць, пікселы; па ўсім відаць, гаворка вядзецца пра памер кроку нарэзкі; а тып нарэзкі не паведамляецца, --але, дакладна, гэта не М.

[Лявон]

Штосьці плявузгнуў, і сам не зразумеў што...

Палез у э-сетку. Атрымалася знайсці сякія-такія эклектычныя звесткі паводле замежнае маркіроўкі патрэбнае мне дзюймовае рэзі 1/4"-20 25 рс (таксама становіцца на болт у хамуце і гайка 1/4" - 28 25 pc): 1/4" -- гэта дыяметар, 20 колькасць ніткаў на дзюйм... 25 рс -- невядома што... Але акурат гэткую штуку буду шукаць, паколькі справа пайшла на прынцып... :)

[Pova]

1/4" - это стандарт для крепления фотооборудования. На кольцах такая резьба сверху, для крепления фотоаппарата.

[Лявон]

Верхні болт 1/4" дыяметральна падыходзіць пад ніжнюю адтуліну ў хамуце, але не стасуецца з ейнай разьбою -- там іншы крок (дый, падаецца, іншы тып нарэзкі). У мяне на верхнім шрубе ў хамуце стаіць маркіроўка S 8.

Звярнуў увагу, што ў маім наборы гайкаў ідзе градацыя ня толькі па велічыні дыяметру і колькасці ніткаў на дзюйм, але і паводле велічыні вушкаў гайкі; адсюль я раблю выснову, што рс -- азначэнне знешняга памеру гайкі: найбольшы "калібр" гайкаў у маім наборы -- гэта 20 рс, сярэднія памеры -- 25 рс, найменьшыя -- 30 рс. Гэта здагадкі, сам ня ўпэўнены, ці ў слушным накірунку працуе логіка.

[Лявон]

Пытанне з шрубом вырашылася вельмі проста: высветлілася, што я не ўважліва прачытаў мануал, таму прыкручваў хамуты да мантыроўкі з дапамогаю мацавання для фотаапарата. Паколькі разумные людзі мяне накіравалі на слушны шлях, пытанне, што марочыла галаву і ўдзень, і ўначы, адпала імгненна. Усё зраслося цудоўна.

Падаецца, заяўленая тэма на пачатку гэтае галінкі вычарпала сябе. Яе развіццё і працяг на новым узроўні можна пачытаць у галінцы "Астранамічныя назіранні: першыя крокі". http://www.forum.belastro.net/viewtopic.php?p=27688#27688